အိပ်မပျော်တဲ့ ညပေါင်းများစွာ
တမ်းတခြင်းတွေနဲ့ ချုပ်နှောင်ခဲ့...
ပြုစားတတ်တဲ့ ကဝေဆိုးလေးလို..
စွဲလမ်းခြင်းဆိုတဲ့ ဝေဒနာတစ်ခု
ထပ်တိုးလို့ ရစ်နှောင်တွယ်..
အရူးအမူးဆိုတဲ့ ခေါင်းစဉ်အောက်က
မောင့်ရဲ့ပျော်ရွှင်ခြင်း ဆိုတဲ့ စာပိုဒ်ခွဲ
အလွတ်ကျက်စရာ မလိုပဲ
အထပ်ထပ် အလွတ်ရနေတဲ့
ကျွမ်းလောင်နေတဲ့ ငါ့အသည်းတစ်ခုအတွက်..
ကင်ဆာဆဲလ်တွေအားလုံးထက် ပြန့်နှံ့လွယ်တဲ့
မင်းအတွက် ချစ်ခြင်းသံစဉ်တစ်ချို့..
အဆိပ်သင့် ၀ိုင်ချိုထက် ယစ်မူးစရာကောင်းတဲ့
ချိုမြမြ အနမ်းတွေ ခြွေချတတ်တဲ့ နှုတ်ခမ်းတစ်စုံ...
အက်ဆစ်ထက်ပြင်းတဲ့ မျက်ဝန်းညိုတွေရဲ့ညို့ငင်စွမ်း
အဲဒီအရာတွေအားလုံးရဲ့ ပိုင်ရှင်နတ်ဆိုးလေးရယ်..
ဘယ်ပုံဘယ်နည်းနဲ့ ငါရှောင်တိမ်းလို့ လွတ်နိုင်ပါ့..
သေရာပါ ဝေဒနာတွေ ခြေရာချန်ပြီးမှ
မသေမရှင် မထားခဲ့ပါနဲ့..
မင်းပျော်မယ်ဆို လိုရာသွား..
ကြိုးဆွဲရာကမယ့် ရုပ်သေးရုပ်လေးကိုယ်ပါကွယ်...
No comments:
Post a Comment